Aksi Kukës-Tuneli i Kalimashit, fluks normal automjetesh

TIRANË, 2 janar/ATSH/ Rruga e Kombit, në të dyja drejtimet e lëvizjes Kukës-Tuneli i Kalimashit, mesditën e sotme ka një fluks normal automjetesh.

Prefekti i qarkut të Kukësit, Dritan Baji tha sot për ATSH-në se “pas aksidentit të ndodhur mëngjesin e sotëm në këtë aks, qarkullimi i mjeteve është normalizuar”.

Mediet raportuan sot se për shkak të prezencës së akullit, përgjatë segmentit Milot-Kalimash u regjistruan tre aksidente rrugore.

Nga aksidentet u dëmtuan gjashtë persona, të cilët kanë marrë ndihmën e nevojshme mjekësore në spitalin e Rrëshenit dhe fatmirësisht ndodhen jashtë rrezikut për jetën.

Qarku i Kukësit është përfshirë sot nga reshje shiu të dendura dhe erë të fortë duke sjellë vështirësi në orët e paradites.

Prefekti Baji i bën thirrje drejtuesve të mjeteve të tregojnë kujdes të shtuar, të respektojnë sinjalistikën rrugore dhe të përshtatin shpejtësinë, për shkak të lagështisë dhe kushteve të pafavorshme të motit.

Ditën e sotme gjithë veriu u përfshi nga reshje të dendura shiu dhe dëbore në zonat malore, ndërkohë që rrugët kombëtare janë të kalueshme.

1 nga 2

/k.s/j.p/r.e/