Aksident në Shkodër, makina përplas biçikletën te sheshi “Demokracia”, i plagosuri në spital

Një aksident rrugor është regjistruar mbrëmjen e sotme në qytetin e Shkodrës, ku për pasojë ka mbetur i lënduar një person.

Ngjarja ka ndodhur rreth orës 20:05, në sheshin qendror “Demokracia”.

Sipas informacionit paraprak nga Policia e Shkodrës, një automjet i drejtuar nga shtetasi me iniciale N. Xh., është përplasur me shtetasin N. Sh., i cili në ato momente po lëvizte me biçikletë.

Menjëherë pas përplasjes, drejtuesi i biçikletës është transportuar me urgjencë drejt Spitalit Rajonal të Shkodrës. Autoritetet konfirmojnë se ai ndodhet nën kujdesin e mjekëve.

Grupi hetimor ndodhet në vendngjarje dhe ka nisur punën për zbardhjen e plotë të rrethanave dhe shkakut të këtij aksidenti.

/rtsh.al/