Aksident në Vlorë, raportohet për dy të lënduar
Një aksident ka ndodhur në rrugën “Gjergj Kastrioti” në Vlorë. Një mjet tip “Benz” është përplasur me një motomjet.
Si pasojë e përplasjes, kanë mbetur të dëmtuar drejtuesi i motomjetit dhe pasagjeri që udhëtonte me të, shtetasi, rreth 40 vjeç, të cilët ndodhen në spital, nën kujdesin e mjekëve.
Grupi hetimor po kryen veprimet e mëtejshme për sqarimin e rrethanave të aksidentit.