Aksident në aksin Fier-Seman, makina del nga rruga dhe përfundon në kanal, plagoset 27-vjeçarja

Një aksident rrugor është shënuar mesditën e sotme në aksin Fier-Seman, në vendin e quajtur “Fermë Çlirim”.

Sipas të dhënave paraprake, një automjet tip “Mercedes-Benz”, që drejtohej nga një 27-vjeçare me inicialet Z.D., ka dalë nga rruga dhe ka përfunduar në kanalin anësor.

Drejtuesja e mjetit është transportuar me urgjencë drejt Spitalit Rajonal të Fierit, ku ndodhet nën kujdesin e mjekëve.

Në vendngjarje kanë mbërritur shërbimet e Policisë dhe grupi hetimor, të cilët po punojnë për të përcaktuar rrethanat dhe shkaqet e aksidentit.

/rtsh.al/