Aksident në unazën e Lushnjës, përplaset furgoni me motorin, një i plagosur

Një aksident rrugor është regjistruar pak minuta më parë në unazën e qytetit të Lushnjës. Burime nga vendngjarje bëjnë me dije për RTSH 24, se në aksident janë përfshirë një automjet tip furgon dhe një motor.

Si pasojë e përplasjes, ka mbetur i lënduar drejtuesi i motorit. Ai është transportuar me urgjencë drejt spitalit të Lushnjës, ku aktualisht po merr ndihmën e nevojshme mjekësore nga bluzat e bardha.

Mësohet se në momentin e përplasjes, në furgon udhëtonin 6 persona, të cilët fatmirësisht nuk raportohet të kenë pësuar lëndime. Policia dhe grupi hetimor ndodhen në vendngjarje dhe kanë nisur punën për zbardhjen e shkaqeve dhe dinamikës së këtij aksidenti.

/rtsh.al/