Aksident tragjik në Fushë-Krujë/ Makina përplas një 19-vjeçar, po ndihmonte një vajzë të shtynte makinën

Një aksident i rëndë raportohet të ketë ndodhur mbrëmjen e djeshme në dalje të Fushë-Krujës ku një 19-vjeçar ka ndërruar jetë pasi është përplasur nga një automjet.

Referuar të dhënave paraprake, 19-vjeçari Irdi Laçi është përplasur nga një mjet tip fuoristradë teksa po shtynte një ‘Mercedes’ që ishte fikur në mes të rrugës.

Sakaq, shoferi i fuoristradës është arrestuar nga policia ndërsa hetimet po vijojnë për zbardhjen e plotë të rrethanave./abcnews.al