Aksion në burg, kapet telefoni i Ramazan Rrajës, SPAK do të analizojë përmbajtjen e telefonit për të zbuluar komunikimet

Një aksion i Drejtorisë së Burgjeve në burgun e Fushë-Krujës ka çuar në sekuestrimin e një telefoni celular, që dyshohet se i përket të burgosurit Ramazan Rraja.

Aparati i është dorëzuar SPAK-ut për ekspertizë dixhitale, ndërsa kontrollet vijojnë pasi dyshohet se në ambientet e burgut mund të jenë fshehur edhe telefona të tjerë.

Rraja ndodhet në burg nën akuzën e trafikut të drogës, si pjesë e një grupi të strukturuar kriminal që sipas SPAK ka trafikuar në Evropë rreth 8 tonë lëndë narkotike.

/rtsh/