Ali Ahmeti nuk humb bisedën me Metën, pas aksidentit takim në spital

Rrezikoi që të humbiste jetën në një aksident të frikshëm rrugor pikërisht duke shkuar për të takuar kryetarin e Parlamentit të Shqipërisë Ilir Meta. Por pavarësisht përplasjes me makinë në rrethinat e Tetovës, kreu i BDI, Ali Ahmeti ka mundur të takohet me kreun e LSI, edhe pse në rrethana të pazakonta.

Vetura me të cilën udhëtonte për në Shkup kryetari i BDI-së, Ali Ahmeti, për të takuar kryetarin e parlamentit të Shqipërisë, Ilir Meta, është aksidentuar, para pagesës rrugore në autostradën Shkup- Tetovë. Kryetari i BDI-së, Ali Ahmeti, sipas informacioneve të Alsat M, është lënduar lehtë, ndërsa raportohet se shoferi i tij ka plagë më të rënda.

“Megjithatë, takimin me Ilirin, mikun tim të vjetër, Kryetarin e Kuvendit të Shqipërisë, e realizova sot edhepse në kushte pak më ndryshe nga ato që i kishim paraparë. Ju faleminderit të gjithë juve për kujdesin dhe dashamirësinë e shprehur, qofshi gjithëmone mirë ju dhe më të dashurit tuaj” tha Ali Ahmeti.

Sipas BDI, aksidenti ndodhi kur shoferi i makinës shmangu përplasjen me makinat e tjera dhe u përplas me betonin e pikëpagesës rrugore. Gjithashtu shkak për aksidentin është shikueshmëria e ulët si pasojë e mjegullës.

Sondazh

A e mbështesni protestën siç është zhvilluar dy ditët e fundit nën emrin e studentëve?

•                                                                         Po
  

  •                                                                     Jo
    

    •                                                                 Nuk e di
      

Lexo gjithashtu