Arbjan Mazniku paraqitet në SPAK

Për rreth 3 orë Ministri i Shtetit për Pushtetin Vendor, Arbjan Mazniku ka dhënë sqarime para prokurorëve të Prokurorisë së Posaçme Kundër Korrupsionit. Mazniku u paraqit të hënën (22 korrik) i pashoqëruar para dyerve të SPAK.

I pyetur nga gazetarët se për çfarë ishte thirrur, ministri nuk dha detaje, por shtoi vetëm se “u thirr për të dhënë sqarime për një çështje”.

Arbjan Mazniku u emërua si Ministër i Shtetit për Pushtetin Vendor më 4 shtator 2023. Më herët ai ka mbajtur postin e nënkryetarit të Bashkisë së Tiranës nga shtatori i vitit 2015. Mazniku ka mbajtur detyrën e zv.ministrit të Arsimit dhe Sportit për dy vite nga viti 2013.

/rtsh.al/