Astronautët që shkruan historinë/ Njihuni me ekuipazhin e Artemis II të NASA
Mirë se u kthyet në shtëpi, ekuipazhi i Artemis II! Ekipi është i pari që viziton Hënën pas më shumë se gjysmë shekulli, le të hedhim një vështrim të shpejtë te astronautët që realizuan këtë udhëtim historik.
Reid Wiseman, komandanti i misionit, është një ish-pilot i Marinës së SHBA dhe pilot testues. Ai u bë astronaut i NASA-s në vitin 2009 dhe kaloi 165 ditë në Stacionin Ndërkombëtar të Hapësirës (ISS) në vitin 2014.
Piloti i anijes, Victor Glover, jetoi në ISS nga nëntori 2020 deri në maj 2021 dhe ishte gjithashtu piloti i misionit SpaceX Crew-1. Ai ka tre diploma master dhe tani është astronauti i parë me ngjyrë që fluturon në një mision drejt Hënës.
View this post on Instagram
Specialistja e misionit, Christina Koch, mban rekordin për fluturimin më të gjatë të vetëm në hapësirë nga një grua (328 ditë në ISS), pasi u bë astronaute në vitin 2013. Ajo është tani gruaja e parë që udhëton rreth Hënës.
Specialisti tjetër i misionit është Jeremy Hansen, kanadezi i parë që shkon në Hënë. Ai më parë ka jetuar nën ujë për shtatë ditë si pjesë e punës së tij si akvanaut me NASA-n.