Automjeti bie në liqenin e Vaut të Dejës, tre të lënduar

Një aksident i rëndë ka ndodhur pasditen e sotme, në aksin rrugor “Mjedë–Spathar”, pranë Vaut të Dejës.

Një automjet ka dalë nga rruga dhe ka përfunduar në liqen, duke rrezikuar jetën e pasagjerëve.

Si pasojë, tre shtetas që ndodheshin në mjet janë dëmtuar.

Ata u nxorrën menjëherë nga liqeni dhe u transportuan në spital, ku po marrin ndihmën mjekësore të nevojshme.

Në vendngjarje ka mbërritur grupi hetimor, i cili po kryen veprimet e para për zbardhjen e rrethanave dhe shkaqeve të aksidentit.

Njoftim i Policisë

Vau i Dejës/Informacion paraprak

Rreth orës 16:10, në aksin rrugor “Mjedë-Spathar”, një automjet ka dalë nga rruga dhe ka rënë në liqenin e Vau të Dejës. 

Si pasojë janë dëmtuar 3 shtetas që ndodheshin në automjet  të cilët u nxorrën nga liqeni dhe  ndodhen në spital, për mjekim.  

Grupi hetimor ka shkuar në vendngjarje dhe po punon për zbardhjen e rrethanave dhe shkakut të aksidentit.

/rtsh.al/