Berat Gjimshiti, jo në nivelin e zakonshëm në fitoren me përmbysje ndaj Çelsit

Mbrojtësi i Kombëtares shqiptare, Berat Gjimshiti, luajti 90 minuta në Championas League me Atalantën, që fitoi me përmbysje ndaj Çelsit, 2-1. Një fitore kjo që e mban skuadrën bergamaske në vend të 3-të në renditjen aktuale, pas Arsenalit dhe Bayern.

Gjimshiti u pozicionua në qendër të prapavijës këtë herë dhe sipas shtypit sportiv italian nuk ishte në ditën e tij më të mirë. Futbollisti kuqezi vuajti në pjesën e parë, ashtu si gjithë skuadra, kurse në pjesën e dytë iu afrua golit, por ishte pa fat.

Kapiteni i Kombëtares shqiptare është një nga pikat kyçe të Atalantës, titullar i padiskutueshëm. Falë eksperiencës së gjatë që ka tashmë, ai e ndihmon jo pak skuadrën italiane edhe në kompeticionin më të rëndësishëm europian në nivel klubesh.