Bllokohet aksi Qafë Thore–Theth, rrëshqitjet e dherave ndërpresin qarkullimin
Reshjet e dendura të shiut kanë shkaktuar probleme në aksin rrugor Qafë Thore–Theth, ku rrëshqitjet e dherave kanë bllokuar përkohësisht qarkullimin e automjeteve. Ngjarja është regjistruar në zonën e njohur si “Guri i Nënshtegut”, rreth 10 kilometra larg Thethit.
Sipas informacioneve paraprake, mungesa e pastrimit të përroit në këtë zonë ka ndikuar në krijimin e situatës problematike, duke sjellë depozitime dheu në rrugë pas reshjeve të shiut.
Pritet ndërhyrja e autoriteteve përgjegjëse për pastrimin e aksit dhe rikthimin sa më shpejt të qarkullimit normal për automjetet.
/vizionplus.tv