Bombardimet izraelite në Rripin e Gazës, 82 viktima, mes tyre gra dhe një foshnje

Sulmet ajrore izraelite kanë vijuar edhe të mërkurën në Rripin e Gazës, pavarësisht reagimeve të ashpra ndërkombëtare ndaj ofensivës gjithnjë e më të zgjeruar të Izraelit.

Sipas Ministrisë së Shëndetësisë në Gaza dhe burimeve spitalore lokale, të paktën 82 persona kanë humbur jetën si pasojë e bombardimeve, mes tyre disa gra dhe një foshnje vetëm një javëshe. Më herët, bilanci i viktimave ishte raportuar të ishte 45.

Komuniteti ndërkombëtar ka shprehur shqetësim të thellë për përshkallëzimin e dhunës dhe numrin në rritje të viktimave civile.

/vizionplus.tv