Bombarduesi strategjik rus “Tu-22M3”, rrëzohet gjatë një fluturimi stërvitor
Një bombardues strategjik rus, Tu-22M3, është rrëzuar gjatë një fluturimi stërvitor në rajonin e Irkutsk, në Siberi, bëri të ditur Ministria e Mbrojtjes e Rusisë.
Sipas informacionit të publikuar nga agjencia e lajmeve Interfax, aksidenti ndodhi të dielën gjatë një misioni rutinë stërvitor.
Ministria ruse e Mbrojtjes njoftoi se anëtarët e ekuipazhit arritën të katapultoheshin përpara rrëzimit të avionit dhe i mbijetuan incidentit.
Autoritetet nuk kanë dhënë ende detaje të plota mbi shkaqet e aksidentit, ndërsa pritet që një hetim të përcaktojë rrethanat që çuan në rrëzimin e bombarduesit strategjik.
Tu-22M3 është një nga avionët bombardues me rreze të gjatë veprimi të forcave ajrore ruse dhe përdoret për misione strategjike, patrullime dhe stërvitje ushtarake.
فيديو من مكان سقوط طائرة Tu-22M3 في منطقة إيركوتسك، تم تسجيله من قبل أحد السكان المحليين. https://t.co/rG67zTkHT2 pic.twitter.com/m6LmFIGiuE
— عادل عريجي (@AdelAridji) June 15, 2026