Bushati: Jo referendum, te miratohen propozimet e PS Qamil Xhani
Partia Socialiste e ka cilesuar zhvillimin e referendumit per imunitetin si nje ide te parealizueshme per shkak te kohes dhe faktit se vete PS nuk eshte kunder imunitetit. Por, nga ana tjeter, deputeti i PS-se Ditmir Bushati ka theksuar se heqja e imunitetit duhet te behet pas diskutimeve me PD dhe PS per reformen ne drejtesi. "Ne duam te zhvillojme diskutimet per paketen e propozimeve te opozites per reformen ne drejtesi dhe votimin per imunitetin ne Parlament, brenda muajit shtator, sepse duam t'i japim statusit te vendit kandidat nje shans ne tetor. Ndersa Sali Berisha do lojen e referendumit pa kundershtar", - tha dje Bushati ne nje konference per mediat. Deputeti socialist ka theksuar se nga pikepamja kohore referendumi eshte i pamundur, pasi ne muajin tetor jepet vendimi per statusin kandidat. Ne kete rast, sipas tij, heqja e imunitetit pas muajit tetor nuk do te ndikonte ne marrjen e statusit te vendit kandidat. "Kushdo qe i njeh sadopak ligjet e ketij vendi dhe ndjen pergjegjesi per fatin Europian te Shqiperise, e ka te qarte se nuk ekziston asnje lloj mundesie qe ky referendum pa kundershtar, per te cilin flet Sali Berisha, te mbahet perpara dites kur Bashkimi Europian vendos per statusin e vendit kandidat per Shqiperine", - shprehet Bushati. Ai ka theksuar se PS-se i intereson marrja e statusit te vendit kandidat, ndaj dhe fton mazhorancen qe ne shtator te nise diskutimi per reformen ne drejtesi. "Thirrjet per referendum jane absurde. Referendumi s'ka kundershtar, pasi Partia Socialiste e ka deklaruar prere me fjale e vepra dhe ne menyre te perseritur se eshte PRO kufizimit te imunitetit, PRO crrenjosjes se kultures se pandeshkueshmerise, PRO ndarjes se shtetit nga pushteti. Madje, vete drafti i ndryshimeve kushtetuese per imunitetin, per te cilin diskutohet ne thelb eshte ai i propozuar nga Partia Socialiste", - tha dje Bushti. Krahas ketij diskutimi, Bushati ka theksuar se partite politike duhet te angazhohen dhe per ceshtjet e tjetra qe lidhen me integrimin e vendit ne Bashkimin Europian. Nje prej kerkesave te reja te PS-se eshte dhe njohja me planin e masave per zgjedhjet parlamentare, nje vit para zhvillimit te tyre. "Ne duam qe brenda muajit shtator Parlamenti te njihet me planin e masave te qeverise per zbatimin e infrastruktures zgjedhore, sepse duam t'i japim statusit te vendit kandidat nje shans ne tetor. Ndersa Sali Berisha do lojen e referendumit pa kundershtar", - tha dje Bushati. Deputeti i PS-se ka shtuar se vec imunitetit, PS eshte e gatshme te perfundoje dhe reformen parlamentare. "Ne duam te permbyllim nje ore e me pare reformen parlamentare, sepse duam t'i japim statusit te vendit kandidat nje shans ne tetor. Ndersa Sali Berisha do lojen e referendumit pa kundershtar. Pasi vijon te shkele Kushtetuten dhe rregullat parlamentare, duke mos u ballafaquar me deputetet e opozites ne Parlament. E duke e kthyer kete te fundit ne nje shtojce te qeverise se tij", - tha dje deputeti i PS-se, Ditmir Bushati.