COP29 – Vende të caktuara mbështesin më shumë fonde kundër ndryshimeve klimatike

BAKU, 13 nëntor /ATSH-DPA/ – Një koalicion i liderëve botërorë nga vendet e industrializuara dhe vendet e cenueshme nga klima në Konferencën e OKB-së për Ndryshimet Klimatike në Baku bëri sot thirrje për financime më ambicioze për klimën.

“Kërkohen triliona dollarë. Ne duhet të rrisim urgjentisht sasinë e financimit për veprimin klimatik”, thuhet në një deklaratë të nënshkruar nga liderët që janë pjesë e të ashtuquajturit Koalicioni i Ambicieve të Lartë COP29.

”Kriza klimatike do të përkeqësohet në mënyrë eksponenciale nëse nuk veprojmë tani”, thuhet në deklaratë.

”Vendet e zhvilluara duhet të vazhdojnë të marrin drejtimin dhe të përmbushin angazhimet ekzistuese financiare.” Duhet të zhvillohen burime inovative financimi”, theksohet në të.

Krahas Gjermanisë, vende të tilla si Franca, Spanja, Kanadaja, si dhe disa vende ishullore dhe vende afrikane, mbështesin thirrjen aktuale.

Gjermania ka premtuar 6,0 miliardë euro (6,4 miliardë dollarë) në vit për financimin e klimës duke filluar nga viti i ardhshëm.

Megjithatë, planet e mëparshme buxhetore zbuluan një mangësi në alokimin e këtyre mjeteve.

Aktivistët e klimës paralajmërojnë se Gjermania rrezikon të humbasë besueshmërinë e saj nëse dështon të përmbushë angazhimet e saj./ a.jor.