Çfarë është “Oreshnik”, raketa më e fuqishme që Rusia përdori në Ukrainë

Rusia tha se ka përdorur raketën balistike Oreshnik si pjesë e një sulmi masiv gjatë natës ndaj Ukrainës.

“Oreshnik” është një nga armët, karakteristikat dhe dinamika e të cilës aktualisht i mungojnë Perëndimit. Sipas asaj që raportohet nga mediat ndërkombëtare, përparësia kryesore e këtyre raketave është shpejtësia me të cilën ato godasin objektivat e tyre gjatë zbritjes.

Më konkretisht, “Oreshnik” fluturojnë me një shpejtësi prej 2 deri në 3 kilometra në sekondë, gjë që praktikisht i bën ato përtej supersonikes dhe “të padukshme” për sistemet e mbrojtjes ajrore, të cilat Kievi i ka vendosur aktualisht, kryesisht rreth qendrave të mëdha urbane dhe njësive kryesore energjetike.

Raketat “Oreshnik” i përkasin “familjes” së armëve hipersonike pasi godasin në fakt me shpejtësi që kalon 10.800 km/h dhe bëjnë pjesë në kategorinë që përfshin raketat që lëvizin me shpejtësi nga 6.100 km/h deri në 12.300 km/h.

Ato kanë gjithashtu aftësinë e mbajtjes së kokave të shumta luftarake dhe nuk janë ndërkontinentale, por me rreze të gjatë pasi udhëtojnë në një distancë jo më shumë se 900 kilometra.