Diaspora, mbërrijnë dhe 3200 vota/ Vazhdon votimi i shqiptarëve jashtë vendit

Qindra fletë votimi nga Shqiptaret jashte vendit po mbërrijnë çdo ditë në Aeroportin Ndërkombëtar të Rinasit, duke shënuar kështu nje moment historik për jeten politike të vendit.

Dërgesa e dytë me 3332  zarfet nga diaspora u prit nga përfaqesues të Komisionit Qëndror të Zgjedhjeve dhe partive politike.

Pasi iu nënshtruan procedurave të skanimit, zarfet me fletët e votimit u ngarkuan në automjetin e kompanisë postare për tu nisur drejt parkut olimpik nën masa sigurie…

Me mbërritjen në Parkun Olimpik, fletët e votimit u moren  në administrim nga Komisioni Qëndror i Zgjedhjeve. Pas verifikimit dhe skanimit të barkodeve, ato u mbyllën në kuti, të ndara sipas qarqeve.

Fletët e votimit do të monitorohen me kamera 24/7 dhe do të hapen me 11 maj, paralelisht me nisjen e votimit brenda vendit.

Nuk ka asnje dyshim qe jo vetëm përgjatë kësaj fushate zgjedhore por me 11 maj, ditë kur do të nisi numërimi e gjithë vëmendja do të jetë pikërisht këtu, në Parkun Olimpik, jo vetem se diaspora voton per here te pare, por se vota preferenciale e tyre në nje të ardhme të afert mund të ndikoje edhe për drejtimin politik që merr Shqipëria./abcnews.al