Disiplina ndryshon vendimin për zyrtarët e Egnatias dhe kapitenin e Teutës. Tifozëve u ndalohet hyrja në stadium, ja emrat

Komisioni i Disiplinës dhe Etikës pranë FSHF-së ka publikuar vendimet më të fundit duke njoftuar se zyrtarëve të Egnatias, Julian Brahja dhe Taulant Guma, u është pezulluar dënimi me nga 5 ndeshje. Ndërkohë, për Kapitenin e Teutës, Blerim Kotobellin është pranuar kërkesa për pezullimin e pjesës së mbetur të dënimit.

Lidhur me aktet e dhunës në ndeshjen e kampionatit “Abissnet Superiore” KF Tirana – AF Elbasani të zhvilluar më datë 08.03.2026 ora 15:00 në stadiumin “Selman Stermasi” dhe KF Vllaznia – AF Elbasani të zhvilluar më datë 15.02.2026 ora 19:30 në stadiumin “Loro Boriçi”, janë marrë masa për tifozë të caktuar duke i pezulluar për një periudhë të pakufizuar.

Ja vendimet:

KF Bulqiza, për aktivizimin e një lojtari që nuk kishte të drejtë të luante në ndeshjen e vlefshme të Kampionatit Kombëtar të Kategorisë së Tretë kundër KF Tirana B, në bazë të neneve 19/2 dhe 19/4/a të KDE, humbet ndeshjen në tavolinë me rezultatin 3-0.
Zyrtari i KS Korabi U-17, Erblin Laci, për sjellje josportive ndaj zyrtarëve të ndeshjes, në bazë të nenit 14/1/j të KDE dënohet me 5 (pesë) ndeshje pezullim nga aktiviteti.
Kamza 07, U-14, për braktisjen e ndeshjes së vlefshme të Kategorisë së Dytë, Zona Rajonale Tiranë, kundër Dinamo U-14, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
AF F.Shehu, U-13, për braktisjen e ndeshjes së vlefshme të Kategorisë së Dytë, Zona Rajonale Gjirokastër, kundër AF Argjiro U-13, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
AF Argjiro U-11, për braktisjen e ndeshjes së vlefshme të Kategorisë së Dytë, Zona Rajonale Gjirokastër, kundër KF Përmeti U-11, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
AF Dea U-11, për braktisjen e ndeshjes së vlefshme të Kategorisë së Dytë, Zona Rajonale Gjirokastër, kundër KF Tepelena U-11, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
AF Argjiro U-9, për braktisjen e ndeshjes së vlefshme të Kategorisë së Dytë, Zona Rajonale Gjirokastër, kundër KF Tepelena U-9, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
AS Luftëtari U-9, për braktisjen e ndeshjes së vlefshme të Kategorisë së Dytë, Zona Rajonale Gjirokastër, kundër KF Tepelena U-9, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
AF Elbasani Vajza U-17, për braktisjen e ndeshjes së vlefshme të Kampionatit të Vajzave, kundër FK Bylis Vajza U-17, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
Pranimin e kërkesës së zyrtarit të KF Egnatia, Julian Brahja, të paraqitur në mbështetje të neneve 67 dhe 74 të KDE, për rishikimin e Vendimit nr. 34, datë 18.03.2026, të Komisionit të Disiplinës dhe Etikës, duke ndryshuar pikën 6 të tij dhe duke vendosur pezullimin e zbatimit të masës disiplinore prej 5 (pesë) ndeshjesh pezullim, si dhe vendosjen e zyrtarit në periudhë prove prej 6 (gjashtë) muajsh nga data e këtij vendimi.
Pranimin e kërkesës së zyrtarit të KF Egnatia, Taulant Guma, të paraqitur në mbështetje të neneve 67 dhe 74 të KDE, për rishikimin e Vendimit nr. 34, datë 18.03.2026, të Komisionit të Disiplinës dhe Etikës, duke ndryshuar pikën 7 të tij dhe duke vendosur pezullimin e zbatimit të masës disiplinore prej 5 (pesë) ndeshjesh pezullim, si dhe vendosjen e zyrtarit në periudhë prove prej 6 (gjashtë) muajsh nga data e këtij vendimi.
Pranimin e kërkesës së lojtarit të KF Teuta, Blerim Kotobelli, pezullimin e pjesës së mbetur të dënimit. Periudha e pezullimit me kusht, në zbatim të nenit 34/1 të KDE, do të jetë 6 (gjashtë) muaj.
Rrëzimin e kërkesës së FC Luminesen, Sunday League, si të pabazuar në Kodin e Disiplinës dhe Etikës.

Kundër vendimit lejohet ankim brenda 3 (tre) ditëve përpara Komisionit të Apelit.

Komisioni i Disiplinës dhe Etikës pasi u njoh me relacionin e Sekretariatit Teknik, korrespondencën me Drejtorinë Vendore të Policisë Tiranë lidhur me aktet e dhunës në ndeshjen e kampionatit “Abissnet Superiore” KF Tirana – AF Elbasani të zhvilluar më datë 08.03.2026 ora 15:00 në stadiumin “Selman Stermasi”, ku janë konstatuar shkelje të parashikimeve ligjore të nenit 48 e vijues të Ligjit 79/2017 “Për Sportin” si dhe pasi shqyrtoi dokumentacionin e paraqitur dhe diskutoi çështjet në tërësi duke u bazuar në nenin 59 e vijues të KDE

VENDOSI:

Të ndalojë hyrjen në stadiumet e futbollit të Republikës së Shqipërisë ku zhvillohen veprimtari të organizuara nga FSHF për një periudhë të pakufizuar kohe personave të mëposhtëm:

Petros Alfred Ballabani
Sadi Eduart Notolli
Amar Agim Loci
Indrit Gëzim Skëndi
Klei Qani Mema
Fabio Ardian Elezi
Noel Sokol Klaiqi
Ilirian Kristo Meraj
Malvin Alban Sharra
Xhensi Kolë Gjinaj

Në bazë të Nenit 7 të KDE, udhëzohen të gjithë anëtarët e FSHF të cilët kanë nën administrim stadiume futbolli, të garantojnë zbatimin e këtij vendimi.
Një kopje e këtij vendimi t’i përcillet Policisë së Shtetit.

Komisioni i Disiplinës dhe Etikës pasi u njoh me relacionin e Sekretariatit Teknik, korrespondencën me Drejtorinë Vendore të Policisë Shkodër lidhur me aktet e dhunës në ndeshjen e kampionatit “Abissnet Superiore” KF Vllaznia – AF Elbasani të zhvilluar më datë 15.02.2026 ora 19:30 në stadiumin “Loro Boriçi”, ku janë konstatuar shkelje të parashikimeve ligjore të nenit 48 e vijues të Ligjit 79/2017 “Për Sportin” si dhe pasi shqyrtoi dokumentacionin e paraqitur dhe diskutoi çështjet në tërësi duke u bazuar në nenin 59 e vijues të KDE

VENDOSI:

Të ndalojë hyrjen në stadiumet e futbollit të Republikës së Shqipërisë ku zhvillohen veprimtari të organizuara nga FSHF për një periudhë të pakufizuar kohe personave të më poshtëm:

Serxhio Ardian Miloti
Kristo Halit Krraba
Juljan Qamil Pllumbi
Enaldo Përparim Selami
Elios Ermir Qosja
Denis Shkëlqim Deliu

Në bazë të Nenit 7 të KDE, udhëzohen të gjithë anëtarët e FSHF të cilët kanë nën administrim stadiume futbolli, të garantojnë zbatimin e këtij vendimi.
Një kopje e këtij vendimi t’i përcillet Policisë së Shtetit.

Më shumë nga Sporti