Dita Ndërkombëtare pa Qese Plastike, në Shkodër vijojnë të përdorën ndonëse vendimi i ndalon ato

Edhe pse në Shqipëri ka hyrë në fuqi vendimi për ndalimin e prodhimit, importit dhe tregtimit të qeseve plastike një përdorimesh, në praktikë ato vijojnë të përdoren në shumë biznese. Në tregje, dyqane lagjesh dhe pika të ndryshme shitjeje në Shkodër, konsumatorëve u ofrohen ende qese plastike, shpesh pa u kushtuar rëndësi alternativave të riciklueshme ose prej letre.

Ekspertët e mjedisit theksojnë se zbatimi i ligjit kërkon kontrolle më të shpeshta, por edhe ndërgjegjësim më të madh të qytetarëve dhe bizneseve. Reduktimi i përdorimit të plastikës mbetet një hap i rëndësishëm për mbrojtjen e lumenjve, liqeneve dhe ekosistemeve natyrore, veçanërisht në një qytet si Shkodra, që njihet për pasuritë e saj natyrore.

Në Ditën Botërore kundër Përdorimit të Qeseve Plastike, apeli mbetet i njëjtë: më pak plastikë, më shumë përgjegjësi për mjedisin dhe zbatim më i rreptë i ligjit.

/rtsh.al/