E kërkoi Lapaj, hapet një kuti votimi në Vlorë, procesi ishte i rregullt

Komisioni i Ankimeve dhe Sanksioneve (KAS) hapi këtë të martë kutinë nr. 4494/00 në KZAZ 85, në Vlorë, pas kërkesës së koalicionit “Nisma Shqipëria Bëhet” të Adriatik Lapajt.

Pas verifikimit, u konfirmua se të gjitha fletët e votimit kishin vulat përkatëse. Ky proces u krye për të adresuar pretendimet e subjektit politik, i cili kërkonte rishikimin e votave për të siguruar transparencë në rezultatin zgjedhor.

Ndërkohë, edhe pse Lapaj kërkoi rinumërimin e votave në të gjithë qarkun e Vlorës, KAS vendosi të hapë vetëm këtë kuti për të verifikuar vlefshmërinë e fletëve të votimit.

Ky zhvillim vjen pas zgjedhjeve të 11 majit 2025, ku “Nisma Shqipëria Bëhet” arriti të siguronte një mandat parlamentar.