E rëndë në SHBA! Katër të vdekur nga të shtënat në një bar, autori i armatosur në arrati
Të paktën katër persona kanë humbur jetën dhe disa të tjerë janë plagosur pas një incidenti me armë zjarri të ndodhur mëngjesin e së premtes në një bar në qytetin Anaconda të shtetit amerikan Montana.
Sipas autoriteteve lokale, ngjarja ka ndodhur në ambientet e “The Owl Bar”, ndërsa autori i dyshuar është identifikuar si Michael Brown, 45 vjeç, banor i lagjes ku ndodhet lokali. Ai është shpallur në kërkim dhe konsiderohet i armatosur dhe i rrezikshëm. Policia ka kërkuar nga qytetarët të shmangin lëvizjet e panevojshme dhe të tregojnë kujdes.
SUSPECT IDENTIFIED AFTER MULTIPLE FATALITES IN ANACONDA: A shooting at The Owl Bar in Anaconda has resulted in multiple fatalities, according to law enforcement officials. The suspect, identified as 45-year-old Michael Brown of Anaconda and remains at large. pic.twitter.com/AEDyTKdaL7
— NBC Montana (@NBCMontana) August 1, 2025
Dëshmitarë dhe të afërm të autorit kanë pohuar për mediat lokale se Brown është veteran i ushtrisë amerikane dhe ka vuajtur prej kohësh nga probleme të patrajtuara të shëndetit mendor. Sipas një të afërmi të tij, ai nuk ka marrë kujdesin e duhur në momentin e ngjarjes.
Policia e Krimeve të Rënda të Montanës, e cila po udhëheq hetimet, konfirmoi se katër persona kanë ndërruar jetë në vendngjarje. Ndërkohë, njësia speciale SWAT ka ndërhyrë dhe ka evakuuar banesën e autorit, e cila ndodhet pranë lokalit ku ndodhi ngjarja.
Motivet e sulmit mbeten ende të paqarta, ndërsa emrat e viktimave nuk janë bërë publikë. Forcat e rendit janë ende në ndjekje të autorit, ndërsa hetimet vijojnë intensivisht.
/vizionplus.tv