EMRI/ Aksidentoi për vdekje 65 vjeçaren dhe u largua nga vendi i ngjarjes, arrestohet 27-vjeçari
Policia ka vënë në pranga 27-vjeçarin Guri Metko, i cili ka shkaktuar një aksident me pasojë vdekjen e një shtetaseje dhe është larguar nga vendi i ngjarjes. Aksidenti ndodhi pasditen e djeshme, rreth orës 17:40, në aksin rrugor “Maliq-Korçë”, kur Metko, me mjetin që drejtonte, ka aksidentuar 65-vjeçaren Selime Qelemeni, e cila ka ndërruar jetë. Pas ngjarjes, ai u largua nga vendi i aksidentit, por policia e lokalizoi dhe ndaloi atë.
Automjeti i përdorur nga Metko u gjet në garazhin e shtëpisë së tij në Dërsnik, Korçë.
Pas arrestimit, materialet procedurale iu kaluan Prokurorisë, për veprime të mëtejshme lidhur me veprat penale “Largimi nga vendi i aksidentit” dhe “Shkelja e rregullave të qarkullimit rrugor”.
/vizionplus.tv