FOTOLAJM/ Përplasjet me policinë para Parlamentit, protestuesit u lënë mesazhin gjigand në shesh: Ndalni dhunën!

Pas tensioneve dhe përplasjeve të shënuara gjatë protestës së sotme para Parlamentit, qytetarët kanë lënë një mesazh të madh në shesh, duke kërkuar ndalimin e dhunës.

Me shkronja të mëdha në bulevard është shkruar thirrja “NDALNI DHUNËN!”, si një reagim ndaj përballjes mes protestuesve dhe forcave të policisë gjatë tubimit të fundit.

Mesazhi është vendosur në hapësirën ku prej javësh zhvillohen protestat kundër qeverisë, ndërsa organizatorët kanë akuzuar policinë për përdorim force ndaj qytetarëve.

Përplasjet para godinës së Parlamentit sollën edhe shoqërime të disa protestuesve, ndërsa aktivistët kanë kërkuar reagim nga institucionet për rastet që ata i kanë cilësuar si joproporcionale ndaj qytetarëve që protestojnë në mënyrë paqësore.