FUTBOLL – Xabi Alonso largohet nga Real Madrid, Arbeloa merr drejtimin
MADRID, 12 janar /ATSH-AFP/ – Një ditë pas humbjes në finalen e Superkupës së Spanjës ndaj FC Barcelonës, Real Madridi njoftoi sot largimin e trajnerit të tij Xabi Alonso, pas vetëm tetë muajsh në stolin madridas, dhe emërimin e Alvaro Arbeloas si pasues.
“Real Madridi njofton se, me marrëveshje të përbashkët mes klubit dhe Xabi Alonsos, është vendosur t’i jepet fund mandatit të tij si trajner i ekipit të parë”, shkruan gjiganti spanjoll në një komunikatë të shkurtër.
”Ish-mbrojtësi spanjoll Alvaro Arbeloa, kampion bote në vitin 2010 përkrah Xabi Alonsos dhe deri tani në krye të ekipit rezervë, do ta zëvendësojë atë në stol”, njoftoi Reali në një komunikatë të dytë. /Ad.Ab./