Fundoset varka në Danub, dy të vdekur

Një aksident me varkë në lumin Danub ka rezultuar fatal pasi dy persona kanë vdekur dhe pesë janë zhdukur, sipas policisë hungareze.

Zëdhënësi i policisë së Budapestit Soma Ceci tha se tetë të rritur ishin në bordin e varkës së vogël kur raportohet se u përplas me një anije tjetër.

“Në momentin e aksidentit në zonë ndodhej një anije turistike, e cila u ndalua në qytetin e Komaromit ku policia konstatoi se anija ishte dëmtuar nga njëra anë”, tha ai.

Policia arrestoi një burrë që u gjet i gjakosur nga koka në breg pranë Veroce, 48 km në veri të Budapestit vonë të shtunën në mbrëmje (18/5) dhe nisi menjëherë një hetim.

Policia beson se ai ishte i përfshirë në incident ndërsa kërkimet gjetën trupat e një burri dhe një gruaje aty pranë. /vizionplus.tv