“Gin & Tonic” mund të lehtësojë simptomat e alergjisë sezonale, por nuk është kurë

TIRANË, 30 mars /ATSH/ Një studim i fundit sugjeron se disa pije alkoolike mund të ndikojnë ndryshe tek personat që vuajnë nga alergjia sezonale, e njohur si “hayfever”.

Sipas ekspertëve, pijet e pastra si gini përmbajnë nivele më të ulëta të histaminës dhe sulfitëve – substanca që mund të përkeqësojnë simptoma si teshtima, kruarje e syve dhe bllokim i hundëve. Për këtë arsye, një “Gin & Tonic” mund të jetë më pak problematik krahasuar me birrën apo verën e kuqe.

Megjithatë, specialistët theksojnë se kjo nuk përbën një trajtim apo kurë për alergjitë sezonale. Alkooli në përgjithësi mund të ketë efekte të ndryshme në organizëm dhe duhet konsumuar me moderim.

Në vend të zgjidhjeve të shpejta, mjekët rekomandojnë trajtime të mirëfillta dhe këshillim profesional për menaxhimin e simptomave alergjike gjatë sezonit të pranverës.