Gjendet një sasi eksplozivi në Durrës, policia rrethon zonën, priten forcat xheniere
Policia e Durrësit është njoftuar nga kalimtarë të rastit se kanë konstatuar një sasi eksplozivi.
Sasia e eksplozivit është konstatuar në rrugë, në zonën e njohur si “Veliera”, në qytetin bregdetar.
Sipas burimeve dyshohet për një sasi lënde plasëse.
Ndërkohë policia ka rrethuar të gjithë zonën tek Veliera, ndërsa pritet edhe mbërritja e forcave xheniere.