Gjermania paketë për bujqësinë, ndihma për fermerët pritet të miratohet në Bundestag

Pas protestave te njëpasnjëshme të fermerëve në fillim të vitit, qeveria gjermane  ka rënë dakord, për një paketë të re masash për bujqësinë.

Përfaqësuesit e partive në pushtet bënë me dije se pjesë e paketës është  zbutja e taksave për të  ardhurat nga bujqësia dhe pylltaria dhe  forcimi i aftësive për konkurrencë.

Me zbutjen e tatimit mbi fitimin, merret si bazë një fitim mesatar për një periudhë trevjeçare, në vend të fitimit aktual vjetor.

Kjo u mundëson fermerëve të kompensojnë më mirë të ardhurat nga vitet e mira dhe të këqija.

Ndërsa një komponent i rëndësishëm  do të jetë dhe ulja e burokracisë.

Po ashtu mbështetje shtesë do të ketë edhe për blegtorinë sipas politikës së përbashket bujqësore të BE-së.

Një ndryshim i ligjit synon edhe të forcojë pozitën e fermerëve kundrejt  shitësve. Ky plan pritet që të miratohet në Bundestag javën e ardhshme./vizionplus.tv