Gjykata Supreme rrëzon tarifat e Trump/ Presidenti amerikan: Turp!

Presidenti i SHBA-së, Donald Trump, e ka cilësuar vendimin e Gjykatës Supreme si një “turp”, sipas një personi të njohur me reagimin e tij që ka folur për partnerin amerikan NBC News.

Sipas raportimit, Trump po zhvillonte një takim me një grup dypartiak guvernatorësh kur komentoi vendimin, duke u thënë të pranishmëve se administrata e tij ka një plan rezervë për të vepruar pas këtij zhvillimi.

Shtëpia e Bardhë ende nuk ka bërë një koment zyrtar lidhur me vendimin e Gjykatës Supreme.