Grabitet shtëpia me vlerë 4.7 milionë dollarë e Nicole Kidman dhe Keith Urban

Gjatë fundjavës, raportohet se dikush ka hyrë në shtëpinë e aktores Nicole Kidman dhe burrit të saj, Keith Urban, në Beverly Hills.

Policia ka konfirmuar se një person i panjohur ka thyer një dritare për të hyrë në shtëpi.

Aktorja dhe muzikanti nuk ndodheshin në shtëpi në momentin e ngjarjes.

Megjithatë, një nga punonjësit e tyre ka hasur në sulmuesin, i cili është larguar menjëherë nga vendi i ngjarjes.

Ende nuk dihet nëse është vjedhur ndonjë send.

Nicole dhe Keith nuk kanë mundur ende të kontrollojnë tërësisht shtëpinë e tyre për të vërtetuar nëse ndonjë send i vlefshëm mungon.

Policia lokale ka nisur hetimet, por deri tani nuk ka asnjë të arrestuar.

Ata jetojnë në një vilë luksoze në Los Angeles, e cila ka një vlerë prej rreth 4.7 milionë dollarë. Shtëpia ka pesë dhoma gjumi dhe katër banjo.

Çifti është i martuar që nga viti 2006 dhe kanë dy vajza, Sunday dhe Faith. Ata shpesh theksojnë dashurinë dhe mbështetjen që ofrojnë për njëri-tjetrin, dhe lidhja e tyre konsiderohet një nga më të qëndrueshmet në botën e të famshmëve. Kidman ka qenë gjithashtu e martuar më parë me Tom Cruise, me të cilin u martua në vitin 1990, pas takimit në xhirimet e filmit “Days of Thunder”.

Ata u divorcuan në vitin 2001.