Greqi, nis lufta me zjarret/ 96 vatra aktive, Atika zona më e rrezikuar

Për Greqinë, fundjava ka patur një kryefjalë: luftë me zjarret.

Në vend vetëm në 48 orët e fundit ka patur 96 vatra aktive, disa prej tyre në të njëjtën kohë, duke e vënë vazhdimisht në provë mekanizmin e Mbrojtjes Civile.

Zjarri më i madh ndodhi në zonën e Oinoit, në Mandra të Atikës.

Në operacion morën pjesë gjithsej 210 zjarrfikës, 76 automjete, një numër i madh vullnetarësh dhe 29 mjete ajrore.

Në të njëjtën kohë shërbimet e emergjencave u lajmëruan për zjarre në Rodos, Selanik dhe Halkidiki.

Edhe këtë fillim jave, emergjencat parlajmërojnë një rrezik shumë të lartë nga zjarret (kategoria 4) në disa zona të vendit përfshirë rajonin e Atikës dhe Evian.

Mbrojtja Civile dhe Departamenti i Zjarrfikësve u bëjnë thirrje të gjithë qytetarëve të tregojnë kujdes të veçantë, të shmangin çdo aktivitet që mund të shkaktojë zjarr, të ndjekin nga afër udhëzimet e autoriteteve kompetente dhe të mbajnë parcelat dhe zonat e tyre të jashtme të pastra gjatë gjithë sezonit të zjarreve.

Në shtetin fqinj nga 1 janari deri më 5 korrik 2026, janë vendosur gjithsej 521 gjoba administrative, me një total prej 645,080. eurosh, ndërsa janë kryer 164 arrestime me akzuën për zjarrvënie me dashje.