Hetimi ndaj Rames, raporti brenda 20 majit Rozeta Rapushi

Nis funksionin Komisioni Hetimor “Per hetimin e fakteve, rrethanave dhe pergjegjesive te incidentit te dates 24 prill 2013 prane Akademise Diplomatike te Vjenes”, mes kreut te Partise Socialiste Edi Rama dhe diplomatit Egin Ceka. Pa humbur asnje dite kohe, komisioni zhvilloi dje mbledhjen e pare, ku miratoi planin e punes, rregulloren e funksionimit te komisionit si dhe zgjodhi Paulina Hotin si sekretaren e ketij komisioni. Sipas vendimit te marre dje, brenda 20 majit, Komisioni angazhohet te hartoje raportin perfundimtar te hetimit. Nderkohe qe u caktuan datat 3-6 maj per zhvillimin e degjesave dhe marrjen e deshmive me personat e lidhur drejtperdrejt me ngjarjen. Qe ne fillim te mbledhjes, kreu i komisionit, Fatbardh Kadilli, tha se ne Vjene eshte cenuar dinjiteti i nje diplomati shqiptar dhe per kete ky komision zotohet se do zbardhe te verteten. “Do bejme hetim te plote te thelle e te paanshem. Ky incident kapercen kufijte e nje incidenti, eshte cenuar dinjiteti i jo vetem nje diplomati, por edhe i Shqiperise ne opinionin nderkombetar”, - u shpreh Kadilli. Duke qene se opozita nuk kishte derguar perfaqesues ne komision, kryetari Kadilli siguroi kete force por edhe Edi Ramen per nje hetim te pergjegjshem qe ka si qellim vetem nxjerrjen ne pah te se vertetes. “Opozita nuk ka derguar perfaqesues te saj ne kete komision. Kam pergjegjshmeri qe me punen e ketij komisioni te adresojme edhe qendrimet e fshehura publikisht edhe nga opozita rreth asaj qe ndodhi ne akademine diplomatike te Vjenes. Siguroj Ramen qe kemi vullnet t’ju deshmojme shqiptareve te verteten dhe asgje me shume”, - vijoi Kadilli. Ne kete kuader, anetaret e komisionit, Luciano Boci dhe Osman Metalla, gjeten rastin te ftojne opoziten te sjelle anetaret ne komision, nese kerkon te jete pjese e tij. Ndersa kerkuan edhe pershpejtimin e punimeve te komisionit per shkak se sic theksuan ata, dhe pak dite dhe Parlamenti mbyll punimet. Ndersa demokrati Gert Bogdani propozoi qe personat prezente ne takimin ne Vjene ose te paraqiten fizikisht ne komision, ose me ta te realizohen video konferenca. “Ata qe kane dijeni u bej thirrje te vijne te bejne nje degjese ne komision, por mund te perdorim dhe menyra me te shpejta ne kohe, video konferenca apo konferenca permes skype etj”, - sugjeroi Bogdani gjate mbledhjes se djeshme. Propozimet, u miratuan vetem me votat e mazhorances ne komision.

Hetimi i incidentit te Vjenes, ja plani hetimor i miratuar

Plani hetimor, do te hetoje faktet dhe dokumentacionin perkates per incidentin e 24 prillit ne Vjene.

Pjese e hetimit do te jete sjellja dhe veprimtaria e kreut socialist, Edi Rama ne Vjene me 24 prill.

Marrja dhe administrimi i dokumenteve zyrtare apo shkresave, pamjeve filmike, media e shkruar, etj, do te mblidhen brenda dates 3 maj.

Seancat degjimore me personat e perfshire ne menyre te drejteperdrejte apo jo, deshmite do te zhvillohen ne datat 6-9 maj.

Analiza ligjore per cenimin e imazhit do te permblidhet me 9-11 maj

20 maj do te perfundoje raporti i punes se komisionit hetimor.