Higjiena e dobët dentare mund të tkurrë qendrën e kujtesës së trurit

TIRANE, 21 dhjetor /ATSH/- Një studim i ri i botuar në “Neurology” ka zbuluar se shëndeti i dobët oral, veçanërisht sëmundja e mishrave të dhëmbëve, është e lidhur me tkurrjen më të shpejtë të hipokampusit, një rajon i trurit – thelbësor për kujtesën dhe një nga zonat e para të prekura nga sëmundja e Alzheimerit.

Studiuesit analizuan 172 persona për katër vjet, duke ndjekur shëndetin e tyre dentar dhe vëllimin e trurit.

Ata zbuluan se midis personave me sëmundje të lehtë të mishrave të dhëmbëve, humbja e dhëmbëve përshpejtoi atrofinë e trurit – dhe çdo dhëmb i humbur e plakte trurin me rreth një vit.

Por, në një kthesë të habitshme, njerëzit me sëmundje të rëndë të mishrave të dhëmbëve përjetuan më shumë tkurrje të hipokampusit nëse ruanin më shumë dhëmbë.

Studiuesit dyshojnë se mishrat e infektuara mund të shërbejnë si burime kronike të inflamacionit, duke dëmtuar trurin me kalimin e kohës.

Kjo nuk ka të bëjë vetëm me sa dhëmbë keni – ka të bëjë me sa të shëndetshëm janë ata.

Studimi mbështet provat në rritje që lidhin shëndetin oral dhe funksionin njohës.

Mbajtja e mishrave të dhëmbëve të pastër dhe pa infeksione përmes kujdesit të rregullt dentar mund të luajë një rol të rëndësishëm në mbrojtjen e shëndetit afatgjatë të trurit. //a.i/