Historiku i përballjeve të kuqezinjve me Bjellorusinë
TIRANË, 21 shtator /ATSH/ Këtë të shtunë, datë 26 shtator, Kombëtarja shqiptare do të nisë aventurën e saj në edicionin e ri të Nations League me sfidën ndaj Bjellorusisë. Skuadra kuqezi e drejtuar nga Rolando Maran synon që ta fitojë këtë ndeshje si dhe krejt grupin, që do ta ngjiste atë në Ligën B të këtij kompeticioni.
Përfaqësueset e Shqipërisë dhe Bjellorusisë janë përballur 7 herë midis tyre në historinë e futbollit. Bilanci anon lehtë në favor të kuqezinjve, me 3 fitore për Shqipërinë, 2 fitore për Bjellorusinë dhe 2 barazime, ndërsa numri i golave është plotësisht i barabartë, 10 të shënuar dhe 10 të pësuar.
Historiku i plotë i ndeshjeve direkte:
| Data | Ndeshja | Rezultati | Kompeticioni |
| 02 shtator 2006 | Bjellorusi – Shqipëri | 2–2 | Kualifikueset Euro 2008 |
| 17 nëntor 2007 | Shqipëri – Bjellorusi | 2–4 | Kualifikueset Euro 2008 |
| 12 tetor 2010 | Bjellorusi – Shqipëri | 2–0 | Kualifikueset Euro 2012 |
| 26 mars 2011 | Shqipëri – Bjellorusi | 1–0 | Kualifikueset Euro 2012 |
| 15 nëntor 2013 | Shqipëri – Bjellorusi | 0–0 | Ndeshje miqësore |
| 04 shtator 2020 | Bjellorusi – Shqipëri | 0–2 | UEFA Nations League |
| 18 nëntor 2020 | Shqipëri – Bjellorusi | 3–2 | UEFA Nations League |
Fillimet e përballjeve midis dy kombëtareve ishin më të vështira për Shqipërinë, duke pësuar edhe humbjen më të thellë në shtëpi (2–4 në vitin 2007).
Fitorja e parë historike u arrit në Tiranë në vitin 2011, falë golit të Ervin Skelës.
Kombëtarja kuqezi fitoi të dyja përballjet e fundit zyrtare nën drejtimin e Edoardo Rejas, në kuadër të Nations League në edicionin 2020/21.
Në sfidën e luajtur në 4 shtator të 2020 në Minsk Kombëtarja fitoi 2-0. Fitorja 3–2 në Tiranë (ku shënuan Sokol Cikalleshi dy herë dhe Rey Manaj) siguroi vendin e parë në grup për kuqezinjtë.