Humbën jetën në lule të rinisë! Këta janë dy 24-vjeçarët që nuk i mbijetuan aksidentit në Peqin

Këta që shihni në foto janë dy të rinjtë 24-vjeçar, Gabriel Lluca dhe Denis Korbi, që humbën jetën në aksidentin e ndodhur në Peqin.

Ngjarja e rëndë u regjistrua rreth orës 02:00 në hyrje të qytetit të Peqinit, në vendin e quajtur Ura e Teqes.

Dyshohet se shkak i aksidentit tragjik është bërë shpejtësia tej normave të lejuara, ç’ka solli që mjeti tip Golf të dilte nga rruga.

Sipas njoftimit zyrtar, dy të rinjtë u nisën me ambulancë në spitalin e Elbasanit, por fatkeqësisht nuk mundën t’i mbijetonin lëndimeve.

 “Rreth orës 02:00, në vendin e quajtur “Ura e Teqes”, Peqin, automjeti që drejtohej nga shtetasi G. Ll., 24 vjeç, ka dalë nga rruga.
Si pasojë e aksidentit kanë humbur jetën drejtuesi i automjetit shtetasi G. Ll. dhe pasagjeri në këtë automjet shtetasi D. K., 24 vjeç.

Grupi hetimor në drejtimin e Prokurorisë po punon për zbardhjen e rrethanave dhe shkaqeve të aksidentit”, thuhet në njoftim.

/vizionplus.tv