Incident në ujërat greke, emigrantët e paligjshëm qëllojnë me armë drejt rojës bregdetare
Greqi – Një incident me emigrantët e paligjshëm është shënuar në Kios.
Sipas informacioneve, një varkë me 15 persona në bord, së bashku me trafikantin, ka tentuar që t’i afrohet ishullit për të zbritur.
Në vendin e ngjarjes ka mbërritur një varkë e rojës bregdetare.
Por, nga skafi i emigrantëve është shtënë me armë në drejtim të rojës bregdetare.
Rojet e portit janë kundërpërgjigjur duke qëlluar në ajër. Më pas, skafi me emigrantët e paligjshëm është kthyer në ujërat turke.
Nuk ka ende një informacion zyrtar nga Roja Bregdetare./vizionplus.tv