Inter, Marotta: Arsenali për Pio-n? Jo, ai është një thesar për ne

Para ndeshjes së parë gjysmëfinale të Kupës së Italisë midis Comos dhe Interit, Giuseppe Marotta, president i zikaltërve, tha: “Humbja kundër Bodos? Kemi kthyer faqen. Sigurisht që ka zhgënjim, por shërbeu si një përvojë. Të luash në gara të ndryshme do të thotë të përballesh me kurthe dhe vështirësi, nuk mund të fitosh gjithçka”.

“Nico Paz? Ai është sigurisht një lojtar interesant dhe i talentuar, por mendoj se Real Madridi ka një klauzolë blerjeje. Arsenali pas Pios? Kjo nuk është e vërtetë, klubi ynë nuk dëshiron të shesë, ne nuk shkëmbejmë lojtarë. Pio Esposito është një nga thesaret tona”.

“Çdo gjë mund të ndodhë në të ardhmen, por është një e ardhme shumë e largët. Një derbi vendimtar? Jo, ka ende shumë ndeshje dhe shumë pikë për t’u fituar. Sigurisht që do të jetë i rëndësishëm. Por ka ende shumë ndeshje për të luajtur”.