Izraeli dërgon delegacion për rinisjen e bisedimeve për armëpushim me Hamasin
Izraeli ka dërguar një delegacion negociatorësh në Doha me qëllim rifillimin e bisedimeve për lirimin e pengjeve dhe armëpushimin, një ditë pasi Hamasi paraqiti amendamentet e tij të fundit në marrëveshjen e propozuar aktuale.
Ekipi negociator i Izraelit për pengjet drejtohet nga shefi i Mossad-it, David Barnea.
Në një takim me negociatorët e tij përpara vendimit, Netanyahu theksoi përsëri se “lufta do të përfundojë vetëm pasi të arrihen të gjitha qëllimet e saj, dhe jo një moment më parë”.
Nga ana e saj, Shtëpia e Bardhë tha se Xho Bajden (Joe Biden) përshëndeti vendimin e kryeministrit për të autorizuar negociatorët e tij për të punuar me ndërmjetësuesit e SHBA-së, Katarit dhe Egjiptit në një përpjekje për të mbyllur marrëveshjen”.
Barnea do të takohet sot (5 korrik) me kryeministrin e Katarit, Mohammed bin Abdulrahman al-Thani, me të cilin do të kërkojë propozimin e ri nga Hamasi.
Negociatat e nisur prej gjashtë muajsh me anë të ndërmjetësve, përfshirë SHBA-në, Katarin dhe Egjiptin, kanë dështuar herë pas here për të arritur një marrëveshje që do të çonte në lirimin e 116 pengjeve të rrëmbyer më 7 tetor të vitit të kaluar, si dhe në shkëmbimin dhe lirimin e qindra të burgosurve palestinezë, për të shkuar edhe drejt një armëpushimi të plotë.
/rtsh.al/