Izraeli po planifikon një sulm masiv ndaj Libanit, zyrtari i lartë: Do bëjmë atë që bëmë në Gaza

Izraeli po përgatitet për një operacion tokësor në shkallë të gjerë në Libanin jugor, me qëllim “shpërbërjen” e forcave të Hezbollahut në jug të lumit Litani, sipas një raporti nga Axios që citon zyrtarë izraelitë dhe amerikanë.

Operacioni, siç raportohet, parashikon pushtimin e të gjithë zonës në jug të lumit Litani dhe eliminimin e infrastrukturës ushtarake të Hezbollahut.

Ky operacion do të jetë më i madhi i kryer në Liban që nga lufta e vitit 2006.

“Ne do të bëjmë atë që bëmë në Gaza”, tha një zyrtar i lartë izraelit për Axios.

Operacioni u planifikua pas sulmit të Hezbollahut ndaj Izraelit, kur më shumë se 200 raketa u qëlluan në vend, në koordinim me veprimet e Gardës Revolucionare (IRGC).