Juventus, Zhegrova grumbullohet për sfidën kundër Realit të Madridit

Juventusi luan kundër Real Madridit në Champions League të mërkurën, më 22 tetor. Është një ndeshje delikate, veçanërisht për trajnerin Igor Tudor, i cili është nën vëzhgim pas humbjes në Como.

Lajme të mira vijnë nga infermieria për trajnerin, që rikuperon Mirettin dhe Zhegrovën, të dy të grumbulluar për udhëtimin në Madrid: kosovari është rikuperuar nga një tërheqje muskulore në ijë.

Sulmuesi kosovar ka munguar në 2 ndeshjet e fundit të Juventusit për shkak të një dëmtimi, por tashmë është rikthyer në dispozicion të trajnerit dhe mund të luajë disa minuta në supersfidën kundër Realit në Champions League.