Kategoria e Parë në RTSH/ Java e 4-t luhet e gjitha të dielën, spikat Pogradeci-Flamurtari

Pas ndeshjeve të luajtura në mesjavë, kampionati i Kategorisë së Parë, që transmetohet në RTSH, luan këtë fundjavë ndeshjet e javës së katërt. Të gjashta ndeshjet e kësaj jave do të luhen të dielën.

Dy nga sfidat do të luhen në orën 13:30, ndërsa ndeshjet e tjera në ora 16:00. Në takimet e orës 13:30, Pogradeci do të presë Flamurtarin në shtëpi, me të dyja skuadrat që do të kërkojnë të marrin maksimumin e pikëve. Po në orën 13:30, Besa do të përballet me Besëlidhjen në një sfidë mjaft interesante.

Në përballjet e orës 16:00, Iliria do të ndeshet me Bylisin në shtëpi, ndërsa pas fitores me Burrelin, Sopoti pret Kastriotin. Në dy ndeshjet e tjera, Oriku do të përballet me Burrelin, ndërsa Korabi udhëton drejt verilindjes për përballjen ndaj Kukësit.

Java 4

Iliria–Bylis, 20.09.2026, 16:00

Kukësi–Korabi, 20.09.2026, 16:00

Sopoti–Kastrioti, 20.09.2026, 16:00

Oriku–Burreli, 20.09.2026, 16:00

Pogradeci–Flamurtari, 20.09.2026, 13:30

Besëlidhja–Besa, 21.09.2026, 13:30