Kolumbi, balotazh në zgjedhje/ Admiruesi i Trump del i pari, por nuk ka mjaftueshëm vota
Zgjedhjet presidenciale në Kolumbi do të shkojnë në një balotazh më 21 qershor midis një kandidati të krahut të majtë dhe një të krahut të djathtë, në skajet e kundërta të spektrit politik.
Votimi i së dielës nuk nxori asnjë fitues, por Abelardo de la Espriella i krahut të djathtë, një admirues i Donald Trump, mori shumicën e votave, i ndjekur nga afër nga senatori i krahut të majtë Iván Cepeda, një aleat i presidentit aktual Gustavo Petro.
Fushata u shoqërua me dhunë, duke përfshirë sulme me dronë, rrëmbime dhe vrasje.
Espriella mori mbi 43% te votave, krahasuar me 41% të Cepeda. Paloma Valencia, konservatorja e moderuar që përfundoi në vendin e tretë me më pak se 7%, ka mbështetur kandidatin e djathtë.
Presidenti Petro tha se nuk i pranon rezultatet paraprake të numërimit dhe se do të priste rezultatet përfundimtare të shqyrtuara nga gjyqtarët. Ai pretendoi parregullsi në votim, duke përfshirë pretendimin se u shtuan qindra mijëra vota .
Cepeda ishte i përfshirë në mënyrë aktive në bisedimet e paqes që çuan në një marrëveshje historike në vitin 2016 midis qeverisë kolumbiane dhe grupit gueril FARC, e cila çoi në çarmatimin e mijëra luftëtarëve rebelë.
De La Espriella është një avokat dhe biznesmen që e quan veten “El Tigre”, tigri. Ai ka kritikuar ashpër negociatat e Petros me grupet e armatosura dhe ka mbështetur një goditje të ashpër ushtarake ndaj krimit, duke përfshirë bashkëpunim më të ngushtë me Shtetet e Bashkuara, bombardimin e karteleve me mbështetjen amerikane.
Raundi i dytë i zgjedhjeve më 21 qershor do të ketë pasoja për marrëdhënien e Kolumbisë me SHBA dhe disa nga fqinjët e Kolumbisë.