Kosovë/ Seanca për Jelena Gjulanoviç, akuzohet për spiunazh

Në Gjykatën Themelore të Prishtinës ka nisur këtë të premte shqyrtimi gjyqësor ndaj të akuzuarës për spiunazh, Jelena Gjukanoviç.

Edhe sot para trupit gjykues ajo u deklarua e pafajshme për veprën penale për të cilën akuzohet. Gjukanoviç, shtetase serbe dhe ish-punonjëse e Organizatës për Siguri dhe Bashkëpunim në Evropë (OSBE) dyshohet se ka qenë e përfshirë në aktivitete spiunazhi në bashkëpunim me një person tjetër, i cili gjithashtu është nën hetim nga autoritetet.

Ekzistojnë dyshime se ajo ka bashkëpunuar me Agjencinë Serbe të Sigurisë dhe Inteligjencës (BIA). E akuzuara për spiunazh, Jelena Gjukanoviç edhe në seancën e shtatorit të vitit të kaluar nuk e kishte pranuar fajësinë në gjykimin fillestar i cili ishte mbajtur në Gjykatën Themelore në Prishtinë.

Gjukanoviç u arrestua më 28 shkurt 2025 në pikën kufitare në Jarinje, dhe që atëherë ndodhet në paraburgim.

/abcnews.al/