Kukësi mbetet pa trajner, largohet Sedat Pajaziti

Përfundon aventura e Sedat Pajazitit në krye të skuadrës së Kukësit. Klubi verilindor dhe trajneri kanë mbyllur me konsensus bashkëpunimin mes tyre. Pas 5 javësh kampionat, Kukësi renditet në vendin e 10-të në klasifikim në kuotën e 4 pikëve.  

“Futboll Klub Kukësi njofton se, me marrëveshje të dyanshme, është vendosur ndërprerja e bashkëpunimit me trajnerin Sedat Pajaziti.

Klubi shpreh vlerësimin dhe mirënjohjen për kontributin e dhënë, profesionalizmin dhe përkushtimin e treguar gjatë kohës së angazhimit të tij me skuadrën tonë.

Administratori dhe Presidenti i FK Kukësit falënderojnë trajnerin Pajaziti dhe i urojnë suksese të mëtejshme në karrierë dhe gëzojnë respektin maksimal për punën e kryer deri më tani”, shkruhet në njoftimin e klubit.