Lojëra fati në lokal dhe kanabis, arrestohet një 47-vjeçar në Malësinë e Madhe, administratori në kërkim

Policia e Malësisë së Madhe ka zbuluar në Koplik një lokal të përshtatur për lojëra fati dhe shitje të lëndëve narkotike.

Në kuadër të operacionit “Multigames” u arrestuar një 47-vjeçar, punonjës i lokalit, ndërsa u shpall në kërkim administratori.

Siç njofton policia, u arrestua shtetasi A. K., 47 vjeç, punonjës i lokalit, dhe u shpall në kërkim shtetasi E. C., 51 vjeç, të dy banues në Koplik.

Gjatë operacionit u gjetën dhe sekuestruan 6 makineta elektronike për lojëra fati, një sasi lënde të dyshuar narkotike Cannabis Sativa dhe grirëse për lëndët narkotike.