MM: Rreziku nga zjarri ka kaluar në fshatin Lekël të Tepelenës, pa shkaktuar pasoja

TIRANË, 12 gusht/ATSH/ Ministria e Mbrojtjes njoftoi sot lidhur me situatën e zjarrit në Tepelenë.

MM thekson se, rreziku nga zjarri ka kaluar në fshatin Lekël të Tepelenës, pa shkaktuar pasoja për banorët apo banesat e tyre.

Zjarri vijon të jetë aktiv në dy drejtime: poshtë fshatit, në drejtim të fshatit Hormovë, si dhe lart, në faqen e malit të Golikut, shton MM.

Gjithashtu, ministria nënvizon se, forcat zjarrfikëse dhe Forcat e Armatosura janë të angazhuara në terren dhe po punojnë me intensitet për izolimin e vatrës së zjarrit.

/gj.m/r.e/