Marta Kos takon përfaqësuesit e Listës së Studentëve në Bruksel

Komisionerja Evropiane për Zgjerimin, Marta Kos, është takuar me përfaqësues të “Listës së Studentëve”, që sipas raportimit fitoi zgjedhjet parlamentare të 25 tetorit në Serbi. Në fokus të takimit ishte mbështetja e BE-së për reformat demokratike dhe institucionale.

Sipas këtij raportimi, takimi u zhvillua me ftesë të Kos dhe ishte i pari i këtij niveli mes përfaqësuesve të lëvizjes dhe zyrtarëve të Bashkimit Evropian pas zgjedhjeve të 25 tetorit.

Gjatë një fjalimi të mërkurën para Komisionit për Punë të Jashtme të Parlamentit Evropian, Kos konfirmoi se kishte biseduar me përfaqësuesit e kësaj lëvizjeje.

“Serbia ka një mundësi për një fillim të ri”, deklaroi komisionerja evropiane.

Sipas saj, qeveria e re në Serbi ka mundësinë të forcojë institucionet demokratike, të përmirësojë mbrojtjen e të drejtave themelore dhe të ndërmarrë reformat e nevojshme për të çuar përpara procesin e anëtarësimit në Bashkimin Evropian.

Kos ofroi mbështetjen e BE-së për zbatimin e reformave demokratike dhe institucionale në Serbi.