Masat e sigurimit në fokus, Gjykata e Lartë nis ndryshimin e praktikës gjyqësore
TIRANË, 10 mars /ATSH/ Kryetari i Gjykatës së Lartë ka nisur procedurën për ndryshimin e pjesshëm të praktikës së njësuar të Kolegjeve të Bashkuara, lidhur me vendimin unifikues të vitit 2011, mbi masat e sigurimit personal.
Gjykata e Lartë njoftoi se qëllimi është të sigurohet një praktikë gjyqësore më e njëtrajtshme dhe në përputhje me standardet kushtetuese, ligjore dhe ato të Konventës Evropiane për kufizimin e lirisë personale.
“Ky vendim shënon gjithashtu ushtrimin për herë të parë, të kompetencës së Kryetarit të Gjykatës së Lartë, sipas nenit 438 të Kodit të Procedurës Penale për ndryshimin e pjesshëm të një praktike të njësuar”, njoftoi Gjykata e Lartë.
Seanca publike do të zhvillohet në datën 9 prill 2026.
/m.q/